Улаан-Үд хотын захирагчийг хүлээн авч уулзав.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Улаан-Үд хотын Захирагч Голков Александр Михайлович тэргүүтэй төлөөлөгчдийг өнөөдөр хүлээн авч, хоёр хотын хамтын ажиллагааг өргөжүүлэх талаар санал солилцлоо. ОХУ-ын Буриад улсын нийслэл Улаан-Үүд хоттой Улаанбаатар хот найрсаг харилцаатай байж, олон талын салбарт хамтран ажиллаж ирсэн. Тэр дундаа Улаанбаатар хотын хөгжил дэвшил, бүтээн байгуулалтын чиглэлээр хийж байгаа үйлсэд Улаан-Үд хотын оруулж буй хувь нэмэр их юм гээд хотын дарга нийслэлд хийгдэж байгаа бүтээн байгуулалтын ажлуудын талаар мэдээлэл өглөө. Тухайлбал Улаанбаатар хотыг 2030 хүртэл хөгжүүлэх ерөнхий төлөвлөгөө, зам барилга ажлын талаар танилцуулж бүтээн байгуулалтын ажилд Улаан-Үд хоттой хамтран ажиллах хүсэлтэй байгаагаа дуулгасан юм. Харин Улаан-Үд хотын Захирагч халуунаар дотноор хүлээн авсанд талархал илэрхийлээд, ойрын үед Улаан-Үд хотод Улаанбаатарын өдрүүдийг зохион байгуулах саналтай байгаагаа хэлж, Улаанбаатар хотын Захирагчийг Улаан-Үд хотод айлчлахыг урилаа.

Монгол Улсад телевизийн урлаг үүсч, хөгжсөний 46 жилийн ойн мэндчилгээ

Зурагт зулын хойморт заларч, Улаанбаатар хотын иргэд ертөнцийн чимээг дуу, дүрстэйгээр хүлээн авч эхэлснээс хойш  46 оныг үдэж, дуу дүрсний гайхамшиг Монголын ард түмний ертөнцийг харах нүд, сонсох чих болсон байна. Телевизийн урлагийн үүсэл, хөгжлийн түүх болсон МҮОНТ-ийн хамт олон, уран бүтээлчид, инженер техникийн ажилтнууд та бүхэндээ  Монгол Улсад телевизийн урлаг үүсч, хөгжсөний 46 жилийн ойн баярын мэнд хүргэж, уран бүтээлийн өндөр амжилт хүсэн мэндчилье. Шинжлэх ухааны гайхамшигаар, шинэ мэдээлэлийг хүргэхээр цаг хугацаатай уралдан ажиллаж, телевиз хэмээх шинэ салбарын хөгжлийн түүхийг бичиж яваа та бүхний  гавьяа зүтгэлийг онцлон дурдахад таатай байна.

Төр Үндсэн хуулиар хүлээсэн үүргээ биелүүлэх цаг ирсэн

Нийслэлийн Засаг даргын 2013-2016 онд хэрэгжүүлэх үйл ажиллагааны хөтөлбөрийн танилцуулга
         илтгэгч:   Нийслэлийн Засаг дарга бөгөөд Улаанбаатар хотын захирагч Э.БАТ-ҮҮЛ
Хурлын дарга,төлөөлөгчид өө

Би мөрөөдлөө биелүүлсэн

-Одооноос “Монголын хууль гурав хоног” байхаа больсон-

Нийслэлийн Засаг дарга бөгөөд Улаанбаатар хотын захирагч Э.Бат-Үүлтэй цаг үеийн асуудлаар ярилцлаа.

-Өнгөрөгч даваа гаригт НИТХ-аас гаргасан жанжин Сүхбаатарын талбайг Чингисийн талбай болгох шийдвэр нэлээд олон талаас шүүмжлэл дагуулах шиг боллоо. Яагаад ийм огцом шийдвэр гаргачихав аа. Нана нь ярьж хэлж, хүмүүсийн санаа бодлыг бас сонсч болоогүй юм уу?

Баянхошууны иргэдтэй уулзлаа.

Ирэх жилүүдэд нийслэлд хийгдэх бүтээн байгуулалтын томоохон ажлуудын нэгэнд Гэр хорооллыг барилгажуулах дахин төлөвлөлтийн цогц арга хэмжээнүүд орж байна.

Нийслэлийн өнгө төрхийг сэргээн засах,иргэдийн оршин суух газар өмчилж байгаа газар эд хөрөнгө гэсэн хоёр сонирхолын аль алиныг нь онцгойлон анхаарч асуудлын эцсийн шийдийг иргэдийн оролцоогоор шийдвэрлэх чиг баримтлалтай энэ ажил урин дулаан эхэлж барилгын ажил эхлэх болсонтой холбогдон улам эрчимжиж байна

Өнөөдөр /2013-4-11/ нийслэлийн иргэний танхимд хөтөлбөрт хамрагдсан “Баянхошуу дэд төвийн байршилд хамрагдсан Сонгинохайрхан дүүргийн 7,8,9,10,28-р хорооны иргэдтэй санал солилцох уулзалтыг Нийслэлийн засаг даргын хэрэгжүүлэгч агентлаг гэр хорооллын хөгжлийн газар зохион байгууллаа.

Уулзалтанд Нийслэлийн засаг дарга бөгөөд Улаанбаатар хотын захирагч Э Бат-Үүл Улаанбаатар хотын гэр хорооллыг хөгжүүлэх,хөрөнгө оруулалтыг дэмжих хөтөлбөрийн төслийн удирдагч,Азийн хөгжлийн банкны РРТА-ийн удирдагч доктор Бхарат Дахияа,Нийслэлийн бүртгэлийн газрын дарга С Содномдорж,Гэр хорооллын хөгжлийн газрын дарга Ш Ганхуяг зэрэг албаны хүмүүс оролцож дахин төлөвлөлтийн бодлого,үйл ажиллагаа,хэрэгжилтийн явцын талаар дэлгэрэнгүй мэдээлэл хийж иргэд санал бодлоо илэрхийлцгээлээ Уулзалтанд дээрх хороодын 300 гаруй иргэд ирж оролцлоо

Баянхошууны иргэдтэй уулзаж байна.

Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөрийн хүрээнд Баянхошуу дэд төв буюу Сонгинохайрхан дүүргийн 7,8,9,10,28-ны хорооны иргэдтэй нийслэлийн Засаг дарга Э.Бат-Үүл болон Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөрийн төслийн зохицуулагч Бхарат Дахияа нар уулзаж, дэд төвүүдийг хэрхэн хөгжүүлэх тухай урдчилсан зураг төслөө танилцуулахаас гадна гэр хорооллын дахин төлөвлөлтийн талаар нээлттэй хэлэлцүүлэг нийслэлийн Засаг захиргааны 5 дугаар байр буюу Нийслэлийн иргэний танхимд зохион байгуулж байна.

Нийслэлийн Засаг дарга Баянхошууны иргэдтэй уулзана.

Нийслэлийн Засаг даргын 2013-2016 оны үйл ажиллагааны хөтөлбөрт хотын захиргааны цогцолборыг хотын шинэ дэд төвүүдэд нүүлгэн шилжүүлж, улмаар хөгжил дагуулсан бүтээн байгуулалтын ажлыг эхлүүлнэ гэж тусгасан байдаг. Тиймээс Улаанбаатар хотыг 2020 он хүртэл хөгжүүлэх ерөнхий төлөвлөгөөнд нийслэлд шинээр 8 дэд төв барихаар төлөвлөж. Баянхошуу дэд төв , Сэлбэ дэд төвүүдийг Азийн хөгжлийн банкны санхүүжилт, дэмжлэгтэйгээр дахин төлөвлөж хөгжүүлэхээр талууд хамтын ажиллагааны санамж бичигт гарын үсэг зурсан юм. Энэхүү хөтөлбөрийн дагуу Азийн хөгжлийн банкнаас Улаанбаатар хотын гэр хорооллыг хөгжүүлэх, хөрөнгө оруулалтыг дэмжих төслийг эхлүүлсэн юм.